Við vorum á fimmta degi í felutjaldi. Snemma um morguninn þegar við vöknuðum kl 6.00 leit út fyrir að það myndi rigna. Það var súld en við gerðum okkur samt klár að ganga af stað í felutjaldið. Gangan tæki um 45 mínútur.
Þegar við sáum hreiðurstæðið sat kerlan í hreiðrinu. Hún horfði á okkur ganga nær. Við gengum ofurhægt eins og rollur. Hún fór ekki. Sat alveg þar til opnuðum tjaldið og fórum inn. Þetta hafði aldrei gerst áður. Þekkti hún okkur?
Við lögðum frá okkur bakpokana og myndavélarnar inni í agnarsmáu tjaldinu. Hægt og hljóðlaust sveif hún í burtu á meðan við komum okkur fyrir. Það var byrjað að hellirigna og birtan óheppileg.
Skömmu fyrir klukkan eitt tók rigningin að róast. Ungarnir tveir í hreiðrinu höfðu sofið fram að þessu en nú settist annar þeirra upp og horfði í kringum sig. Birtan tekin að lagast.
Klukkan 13:40 stytti alveg upp. Tíu mínútum síðar láta ungarnir heyra í sér.
Öðrum tíu mínútum síðar birtist karlinn allt í einu með æðarunga í klónum. Hann lendir en æðarunginn var fastur í klónum á hægri fæti. Karlinn tók sig upp aftur þegar ungarnir ráðast að honum með látum og þegar hann hefur sig á loft bítur annar arnarunginn í fótinn á honum en missir takið. Karlinn fór aftur með æðarungann og klukkutíma síðar lenti kerlan með æðarunga sem hún skildi eftir.
Birtan var orðin frábær en klukkutíma síðar byrjaði aftur að rigna og það rigndi það sem eftir var dags.
UPPLAG OG UNDIRSKRIFT
Myndin er prentuð í einungis 25 eintökum +3AP. Allar stærðir meðtaldar.
Prentað er þegar pöntun liggur fyrir og hver og ein mynd númeruð og undirrituð af höfundi. Einnig fylgir texti um söguna bakvið myndina frá höfundi.
STÆRÐIR
80 X 120 cm strigaprent.INNRÖMMUN
- Myndin er afhent í 4 sm þykkum blindramma. Blindramminn er því mjög sterkur og vandaður. Þykktin lætur myndina standa frá veggnum.
- Ef þess er óskað er hægt að panta sérstaklega flotramma utan um blindrammann í hvítu, svörtu eða viðarlituðu.
PRENTUN OG HRÁEFNI
- Við notum einungis hágæða hráefni og vöndum allan frágang.
- Myndin er prentuð á besta fáanlega hráefni fyrir striga og lökkuð með Hahnemuhle lakki sem tryggir hámarks endingu.
- Prentað er á hágæða prentara og einungis notað orginal Archival Blek fyrir hámarks gæði og endingu.
AFHENDINGARTÍMI
Að jafnaði er afhendingartími fjórir til 8 virkir dagar frá pöntun.
SENDINGARKOSTNAÐUR
Sendingarkostnaður ræðst af stærð og þyngd og kemur fram í körfunni þegar gengið er frá pöntun.